தமிழ் சினிமாவில் போட்டி நடிகர்கள் என்றால் அஜித், விஜய், சூர்யா என்று கூறுவது போல் பாலிவுட்டில் ஷாருக்கான், ஆமிர்கான், சல்மான்கான் மூவரும் போட்டி நடிகர்கள்.
தொழிலில் மட்டுமே போட்டியை காட்டும் இவர்கள் தனிப்பட்ட முறையில் நட்புடனேயே இருக்கிறார்கள். சமீபத்தில் சல்மான் கானுக்கு கோர்ட் சிறை தண்டனை வழங்கியது. அன்றைய தினம் ஷாருக்கான் சல்மான் கான் வீட்டிற்கு நேரில் சென்று அவருக்கு தனது ஆதரவை தெரிவித்தார்.
இந்நிலையில் பஜ்ரங்கி பாய்ஜான் படப்பிடிப்பில் மும்முரமாக இருக்கிறார், சல்மான் கான். அப்படத்தில் தனது தோற்றம் எப்படி இருக்கும் என்பதை இணைய தளத்தில் வெளியிட்டார்.
அந்த போஸ்டரை ஷாருக்கானும், ஆமிர்கானும் தங்கள் சமூக வலைதள பக்கத்தில் வெளியிட்டு தங்கள் சார்பில் பட புரமோஷனுக்கு உதவி இருக்கிறார்கள். கோலிவுட் ஸ்டார்கள் மத்தியில் இந்தளவுக்கு தாராள மனப்பான்மை உள்ளதா என்று கேட்டு இணைய தளங்களில் இளைஞர்கள் கேள்விகள் தொடுத்திருக்கின்றனர்.
அஜீத்தை பொறுத்தவரை அவர் தன்னுடைய பட புரமோஷன் நிகழ்ச்சிகளில் பங்கேற்க மறுத்துவிடுகிறார். இதுதவிர டுவிட்டர் போன்ற இணையதள தொடர்பும் வைத்திருக்கவில்லை. அஜீத் நடிக்கும் படத்தின் ஸ்டில்லை விஜய், சூர்யா தங்களது இணைய தள பக்கத்தில் வெளியிட்டு புரமோஷனுக்கு உதவுவார்களா என்று கோலிவுட்டில் பட்டிமன்றமே நடக்கிறது.
0 comments:
Post a Comment