மொரீஷியஸ் தீவில் கமல்

விஸ்வரூபம் 2, உத்தமவில்லன், பாபநாசம் என 3 படங்களில் நடிக்கும் கமல்ஹாசன் அப்படங்களின் இறுதிகட்ட பணிகளில் தீவிரமாக இருக்கிறார். ‘விஸ்வரூபம் 2Õ ஷூட்டிங்கின் இறுதி தருவாயில் ‘உத்தம வில்லன்‘ படத்தில் நடிக்க தொடங்கிய கமல், இரு படங்களையும் முற்றிலுமாக முடித்திருக்கிறார். ரசிகர்களுக்கு இந்த ஆண்டு ஹாட்ரிக் விருந்து தரும் வகையில் மலையாள திரிஷ்யம் பட ரீமேக்கான Ôபாபநாசம்Õ படத்திலும் நடித்து முடித்துள்ளார்.

தற்போது ‘உத்தமவில்லன்‘ பட ரிலீஸ் தேதி அறிவிக்கப்பட்டுள்ளது. கமலின் ராஜ்கமல், லிங்குசாமியின் திருப்பதி பிரதர்ஸ் நிறுவனங்கள் தயாரித்துள்ள இப்படத்தின் ரிலீஸ் உரிமையை ஈராஸ் நிறுவனம் பெற்றிருக்கிறது. ஏப்ரல் 2ம் தேதி படம் ரிலீஸ் என அறிவிக்கப்பட்டிருக்கிறது. முன்னதாக மார்ச் 1ம் தேதி ஆடியோ வெளியாகிறது.

இதையடுத்து பாபநாசம் படமும், பின்னர் விஸ்வரூபம் 2ம் வெளியிடுவதற்கான முயற்சிகள் நடக்கிறது. தற்போது தனது புதிய படத்துக்கான பணிகளை ஜரூராக தொடங்கி இருக்கிறார் கமல். இதுபற்றி கமல்ஹாசன், தனது உலகநாயகன் யூடியூப் இணைய தள பக்கத்தில், தற்போது மொரீஷியஸ் தீவில் அடுத்த படத்துக்கான லொகேஷன் தேர்வு செய்வதாக குறிப்பிட்டிருக்கிறார்.